புது வருடம்

ஜெயம்

பிறந்தது தமிழ் சித்திரை புத்தாண்டு
சிறப்பான பலன்தரும் கோலத்தைப் பூண்டு
விடியும் நாளெல்லாம் இனி நன்னாளே
மடியின் கனமும் குறையும் தானாலே

கோடையிலே பிறந்து மனமகிழ்ச்சி கொடுக்க
ஆடைகளை அழகாய் அனுபவித்தே உடுக்க
மனதிற்குள் புதுவித புத்துணர்ச்சி உண்டாக
இனமாம் தமிழர் குதூகலமாய் கொண்டாட

தமிழ்மக்கள் ஒற்றுமை ஓங்கி வளரட்டும்
அமிழ்தினுமினிய மொழி திசையெட்டும் எட்டட்டும்
கலாசாரம் பண்பாடு தலைமுறைக்கும் நீளட்டும்
விழாக்கானும் புத்தாண்டு அனைத்தும் அருளட்டும்

Author: Nada Mohan