இரா.விஜயகௌரி

வேரறுந்த மரங்களா நாம்……..
பிடுங்கி நடப்பட்ட பஞ்சுக் கன்றுகள்
காற்றும் புதிது நாற்றும் புதிது
கள நிலம் கண்ட அனைத்தும் வேறு
எதிர் கொள் திசைகள் அத்தனை சவால்கள்

இத்தனை தடைகள் கடந்தொரு பாதை
மொழியுள் புதைந்து விழிகள் பிதுங்கி
நாளைய விருட்சம் நலிவுறாதெழுத
உரமாய் உறுதியுள் எழுதிய கரங்கள்

இடுங்கிய பொழுதில் நடுங்கிய நொடிகள்
தொடங்கிய வாழ்வைதுடிப்புடன் வரைய
காத்திர வரைவில் கனிந்தன மரங்கள்
தாயகம் காத்து தம்மையும் எழுதின

எத்தனை கடந்தோம் வேரினைக் காக்க
தாய் மொழி தனை நாம் நாவினில் தொடுத்து
நாளைய வாழ்வை நலிவுறாதெழுதி
எழுந்தோம் நாங்கள் தமிழின் தலைமுறை

Author: Nada Mohan