திரும்பிப் பார்க்கிறேன்

ஜெயம்
கடந்த தூரத்தை அதிசயமாய் பார்க்கிறேன்
நடந்த பாதைகளின் நினைவுகளைச் சேர்க்கிறேன்
மனத்திரையில் எல்லாமே படங்களாக ஓடுகின்றன
கனவுகளும் நனவான வரலாற்றை தேடுகின்றன
மலர்கள் விரித்தே பாதையும் இருந்தது
நலமே என்றெண்ண முள்ளும் தெரிந்தது
இருந்தும் தடைகளை கடந்தேன் உடைத்து
துரத்திய விதியையும் மீறியே படைத்து
என்னுடன் நடந்து வந்தார்கள் பலர்
இன்னும் நடந்து வருகின்றார்கள் சிலர்
பிரிந்தாலும் இடையில் வாழ்கின்றார்கள் நினைவில்
புரிந்தவரை இன்றும் காணுகின்றேன் கனவில்
எத்தனைதூரம் இன்னும்தெரியாது
கற்றிட்டமதியாலும் கணக்கிடமுடியாது

Author: Nada Mohan