இலக்கியவானின் நட்சத்திரம்…

ரஜனி அன்ரன் (B.A.) இலக்கியவானின் நட்சத்திரம்… 22.10.2026

ஈழத்து இலக்கிய உலகை
இனிய படைப்புக்களால் அலங்கரித்து
கவிதைநாடகம் சிறுகதைகளென தமிழ்மணம்கமழ
இலக்கியவானை வலம்வந்த
இளவாலை அமுதுப்புலவரை
இறையும் அழைத்தானே விரைந்து
இருபத்தி மூன்றாம் நாள் ஐப்பசித் திங்களிலே !

தமிழ் இலக்கியத்திற்கும் ஆன்மீகத்திற்குமென
ஆக்கிவைத்தாரே அரும்பெரும் நூல்களை
பரந்து விரிந்தது படைப்புக்கள்
விருந்து படைத்தது இலக்கிய உலகிற்கு
சிலுவையின் நிழலில் தொடுத்த பாமாலைகள்
தேவாலய மணிகளாய் ஒலிக்கிறதே இன்றும் !

வத்திக்கான்வரை எதிரொலித்தது அவர்புகழ்
திருத்தந்தையின் கரம்தொட்டு
சூடிக்கொண்டார் பாவேந்தர் கிரீடத்தை
பிரான்ஸ்சின் செவாலியர் விருதும்
பல்கலைக்கழக கலாநிதிப் பட்டமும்
அமுதுப்புலவருக்கு மகுடமாச்சுதே !

Author: ரஜனி அன்ரன்