கற்றலின் படியே…காசினி உயர்வே…

ரஜனி அன்ரன்…(B.A)
கற்றலின் படியே…
காசினி உயர்வே…15.10.2026

அறிவெனும் சுடர்விளக்கு அணையாத ஒளிவிளக்கு
கல்வியெனும் பெருவிருட்சம்
கலங்கரை விளக்கானது காசினிக்கு
அறியாமை இருளில் மூழ்கியஉலகை
அறிவெனும் ஒளியால் மாற்றுமேகல்வி
ஆயுதம்ஏந்தாப் புரட்சியொன்றை
அகிலமதில் மலரச்செய்யுமே கல்வி !

வாழ்க்கைப் படகினைச் செலுத்திட
வழிகாட்டும் துடுப்பாய் அமைவது கல்வி
தாழ்நிலையிலும் தலைநிமிரச்செய்து
காசினியில் எமக்கு முகவரிதருவது கல்வியே
கல்விகற்றலே காசினிக்கு என்றென்றும் உயர்வு !

அறிவியல் விந்தைகள் பலபுரிந்து
விண்வெளி தாண்டியும் கொடிபறக்கும்
சிந்தனைப் பசியைத் தூண்டிவிட்டு
தேடலின் வளர்ச்சிக்கு உறுதுணையாகி
புதியதோர் உலகைப் படைக்கவைக்கும்
அறிவெனும் கல்வியே அகிலத்தின் வேராம்
கற்றலின்படியே காசினி உயர்வாம் !

Author: ரஜனி அன்ரன்