சந்தம் சிந்தும் சந்திப்பு வாரம்-09.04.2024
இலக்கம்-260
“பணம்”
—————-
பணமிருப்பின் பிணமும்
வாய் திறக்கும்
பணமிருப்பின் நித்திரை கொள்ளான்
பலதாக யோசித்து காவல் கிடப்பான்
ஏழை பணம் கேட்டான் கதவை மூடுவான்
வட்டிக்கு குட்டி போட்டு பெருக்குவான்
உறவுகள் கேட்பின் வங்கியில் வைப்பான்
தாளாக குத்தியாக உலகமெலாம் சுற்றுவான்
நாட்டிற்கு நாடு வித்தியாசமாய் அழகுறுவான்
தலையை போட்டு பலரையும் நினைவூட்டுவான்
பணம் அதிகமிருப்பின பெரும் பணக்காரன்
அவனிடம் பணம் விட்டு
சென்றால் பரம ஏழை
பணம் கொடுத்து உதவுவன் வள்ளல்
பக்குவமாய் ஒளித்து வைப்பவன் கஞ்சன்
பணம் களவு எடுப்பதில் பலர் புத்திசாலிகள்
பங்கு போடுவதில் வெட்டு குத்துக்கள்
ஜெயா நடேசன் ஜேர்மனி

Author: Nada Mohan