மாற்றம்

“ மாற்றம் “ கவி….ரஜனி அன்ரன் (B.A) 05.09.2024

மாறும் உலகின் விதியில்
மறைந்த விடியலின் கனவில்
மறந்து போகும் கணத்தில்
மாற்றமும் மலருதே நொடியில்
மாற்றமென்பது உலகியல் நியதி
மாற்றமென்பது வளர்ச்சியின் அடையாளம் !

நீரின் ஓட்டம் மாறினாலும்
நிலாவின் ஒளிகூட சுருங்கினாலும்
மாறிக் கொண்டேயிருக்கும் மாற்றங்கள்
முடிவற்ற பாதை தனில்
முடிவடையும் கனவுகூட மாறிடும்
வாழ்க்கைப் பயணமதில்
மாற்றங்கள் திருப்பங்களாகிட
ஏமாற்றங்கள் மனதைக் காயமாக்குமே !

மலரும் பூவின் வாட்டம் போல்
மறந்து போகுமே கடந்தகாலமும்
மாறியது நேற்றைய நாளும்
மாறுமே நாளைய வேளையும்
நிமிசம் மாறும் வருசம் மாறும்
நமக்கும் மாற்றம் நிட்சயமே
காலத்தின் வலிகளை மறக்க
வாழ்வில் ஏற்றம்காண வேண்டுமே மாற்றம் !

Author: Nada Mohan