முதுமையுள் மூ்ழ்கிடவா……..

இரா.விஜயகௌரி
முதுமை என்றோர் பருவ நிலை
மூப்பை நிறைத்திடும் உருவ நிலை
காலம் விதைத்தெழும் கால நிலை
கண்களுள் திரை விழும் வாழ்வு நிலை

ஓடி ஓடி உழைத்தவர் நாம் -ஓய்வே
அறியா எம் உடல்கள் – நாளும்
நாளும் தேடலில் தொலைந்து நின்று
நலிந்து நின்றிடும் தேகநிலை

இன்னமும் ஓட்டம் வேண்டாமே-சற்றே
நின்று நிமிர்ந்து நிதானித்து -தினம்
நினைப்பவை நினைத்தவை எமக்காக
ரசித்து மகிழ்ந்து செய்திடலாம்

முதுமையுள் பூச்சுள் கரையாது-நிஜ
வாழ்வினுள் நரை திரை தனை ஏற்று
திடமாய் பலமாய் நம் கால்கள் தம்மை
ஊன்றியே வாழ்ந்திட வழி சமைப்போம்

Author: