ரஜனி அன்ரன்

“ தமிழின் பெருமை “……கவி….ரஜனி அன்ரன் (B.A) 10.02.2022

தமிழின் பெருமை தமிழர்க்கு மகிமை
எத்தனை மொழிகள் உலகில் இருந்தாலும்
அத்தனையிலும் தனித்தன்மை கொண்ட மொழி
மொழிகளிலே மூத்த மொழி
மனதிற்கு இனிய மொழி
மதுரம் நிறைந்த மொழி
மகிமை மிக்கமொழி தமிழ்மொழியே !

அணிகலன்களை தமிழுக்கு அணியாக்கி
ஐம்பெரும் காப்பியங்களைத் தந்து
உலா கோவை பதிகம் அந்தாதியென
சிற்றிலக்கியங்களைச் சிங்காரமாய் தந்து
பாவலர்கள் பலரையும் பாங்காகத் தந்து
தமிழர்க்கு பெருமை சேர்த்த மொழி தமிழே !

எல்லை வகுத்த மொழி
எல்லையில்லாப் பெருமை கொண்ட மொழி
வாழ்வினை அகம் புறமெனப் பிரித்த மொழி
வாழ்வியல் இலக்கியம் தந்த மொழி
மொழியின் வளமை குடியின் தொன்மையென
தனித்தன்மை வாய்ந்த மொழி
வரலாற்றுப் பெருமையோடு செம்மொழியாகி
வரலாறாய் வாழும் மொழி வண்ணத் தமிழ்மொழியே !

Nada Mohan
Author: Nada Mohan

    ஜெயம் நியதி நடப்பவைதான் நடக்குமென்பது காலதேவன் கணக்கு கடந்துபோகும்  நாட்களெல்லாமதை சொல்லிவிடும் உனக்கு தலைகீழாய் நடப்பினும் நிகழவேணுமென்பதே...

    Continue reading

    செல்வி நித்தியானந்தன் நியதி காலத்தின் நியதி கட்டாயமாகும் ஞாலத்தின் நியதி மாறுபாடாகும் பாலமாய் நியதி இணைவாகும் கோலமாய் நியதி வேறுபாடாகும் வாழ்வின் சக்கரம் வரமாகும் வீழ்வதும் உயர்வதும் பாடமாகும் விதியின் விளையாடல் எதுவாகும் விடை புரியாதென்பதே இருப்பாகும் மதியின்...

    Continue reading