சக்தி சிறினிசங்கர்
எழுசீர் விருத்தம்
சீர் வரையறை: விளம் மா விளம் மா/ விளம் விளம் மா
இன்பமும் தருமே இல்லறம் என்றும்
கன்னலாய் இனிக்கும் கசந்துமே போகா
காதலும் வாழுமே நாளும்
பின்னலாய்ப் பிணைந்து பிள்ளைகள் பெற்று
பிரிந்திடா இணையராய்
வாழ்ந்து
நன்மைகள் கண்டு நல்லறம் செய்து
நானிலம் ஓங்கவும் செய்வோம்!
இறைவனின் ஆசி இங்கிதம் பொங்க
இருவரும் இணைந்தது வரமே
நிறைந்திட வேண்டும் நித்தமும் அன்பு
நீளும் காதலும் அறிவீர்
மறைத்திட வேண்டாம் மனத்தினில் ஒன்றாய்
மகிழ்ச்சியாய்ப் பிணைந்துமே நீங்கள்
குறைகளை அகற்றி குணத்துடன் இருந்து
குவலயம் போற்றிட வாழ்வீர்!

Author: Nada Mohan