நம் வாழ்வின் வேர்கள்

ராணி சம்பந்தர்

கூட்டுக் குடும்பமுடனேயே
குதூகலமாய் வாழ்ந்திடவே
முதுகெலும்பான முத்துகள்

கட்டுக்கடங்காத காளையரை
அடக்கி பழக்க வழக்கம் நாட்டி
கலாச்சாரம் கெட்டுப்போகாது
கட்டிக்காத்த முதியோர்

நட்ட பயிர்களுக்கு நீர், உணவு
கொடுத்து உரமூட்டுவது போல
நோய் துன்பம் வராது வளர்த்து
நாளும் பொழுதும் கண்ணின்
இமை போல காத்த வித்துகள்

பழமொழிகள் ,நன்னெறி கதை
பல சொல்லி நல்வழி காட்டின
சொத்துகள் ஆன முதியோரே
அன்று போலென்றும் அன்பு
அரவணைப்புக் காட்டும்
நம் வாழ்வின் வேர்கள் .

Author: Nada Mohan