மதிமகன்

சந்தம் சிந்தும் சந்திப்பு
வாரம்: 284
29/10/2024 செவ்வாய்
“ சலவை”
—————
அழுக்குப் போக்கிடும் சலவை!
அகிலத்தில் வேண்டும் சலவை!
இழுக்கு போக்கிடவும் சலவை!
இதயம் வெளுத்திடவும் சலவை!

துணிக்கு மட்டுமல்ல சலவை!
துஷ்டர்க்கும் வேணும் சலவை!
பணிகள் மேலோங்கச் சலவை!
பாங்காய் மிளிர்ந்திட சலவை!

பணம் வெள்ளையாக்க சலவை;
படித்தவரும் செய்வாரிச் சலவை!
குணத்தை மேலாக்கச் சலவை;
கொடுப்பர் ஞானிகளிச் சலவை!

மூளைக்கு செய்திடும் சலவை,
முனைப்புக் காட்டிடும் சலவை!
ஆளுக்காள் செய்யும் சலவை,
அதிகார மோகத்தின் சலவை!

வெளுத்தது யாவும் வெள்ளையா!
விளங்கிட மனமதும் இல்லையா!
அழுத்தியும் அடங்கா எல்லையா!
அதற்கும் அதிகார தொல்லையா!
நன்றி
“மதிமகன்”

Author: Nada Mohan