மாறியதே வாழ்க்கை 92

ஜெபா ஸ்ரீதெய்வீகன் -கனடா
16 -7-2026

மாறியதே வாழ்க்கை – என்று
மனமும் குமுறுதே இன்று
கடல் அலையால் கரைந்த
கட்டுமாடி மணல் கோபுரமாய்

கனவுகளும் ஆசைகளும் கரைந்து
கனமான காலம் நகர்ந்து
உயிரான உறவுகள் பலவும்
ஊரோடும் தெருவோடும் அழிந்தும்

பைகளில் பணம் நிறைந்தாலும்
பல ஏக்கங்கள் குறையாமல்
கைகளில் தொலைபேசி அழைக்க
கண்களும் தேடுதே தோழி

மாறியதே வாழ்க்கை செப்பி
மனம் விடியலைத் தேடி
நம்பிக்கையோடு நகர்ந்து செல்ல
நன்மை கிடைக்கும் நமக்கே.

Author: Jeba Sri