ழகரமும் தமிழும்

ரஜனி அன்ரன்

“ ழகரமும் தமிழும் “ கவி…..ரஜனி அன்ரன் (B.A) 30.01.2025

தமிழுக்கு முதலாம் அகரம்
தமிழென்ற அமிழ்திற்கு சிறப்பாம் ழகரம்
குழைந்து வரும் ழகரம்
தமிழுக்கு அதிமதுரம்
பலரது வாயில் இது நுழைவது கடினம்
நுழைந்து விட்டால் அது அமிழ்தம்
அடிக்கடி ழகரத்தை உச்சரித்தால்
கூம்புச் சுரப்பியும் குதூகலிக்குமாம்
உடலுக்கும் உறுதியைத் தருமாம் ழகரம் !

இலக்கணத்தில் இடையெழுத்து
இடையினத்தின் மெய்யெழுத்து ழகரம்
தமிழுக்கு ழகரம் தனிலயம்
அழகு தமிழுக்கும் அழகு சேர்ப்பது ழகரம்
அதுவே தமிழர் எமக்கெல்லாம் மகுடம் !

குழலிலும் யாழிலும் மழலை மொழியிலும் ழகரம்
தழுவிடும் மழையிலும் கொழுகொம்பிலும் ழகரம்
செழித்த செடியிலும் பழுத்த பழத்திலும் ழகரம்
அழகன் திகழன் உழவன் கிழவனென
அழகாய் நாக்கில் குழைந்து வரும் ழகரம் சிறப்பே
அமிழ்தான தமிழுக்கு அணிகலனாம் ழகரம்
அழகு தமிழுக்கு அழகேயழகு ழகரம் !

Nada Mohan
Author: Nada Mohan

ஜெபா ஸ்ரீதெய்வீகன் -கனடா 24-06-2025 வண்ணப் பெண்ணவளாய் வாஞ்சையோடு உலாவருவாள் குடும்பமென அர்ப்பணித்து குலவிளக்காய் சுடர்விட்டாள் வாழ்நாள் முழுதும் உழைத்து வானம்...

Continue reading

செல்வி நித்தியானந்தன் செல்லாக்காசு புவனத்தில் பலநாட்டின் நாணய மதிப்பு புழங்கிடும் பல்வேறு நாமத்தின் சிறப்பு பலநாட்டின் பணத்தால் பாரிய விரிசல் பதுக்கிய...

Continue reading