நகுலா சிவநாதன்
வேண்டும் உறக்கம்

கரைதனைத் தொடாத அலைகளும் உண்டோ!
காட்சிகள் விரியாத மனமதும் உண்டோ?
உடல்தனை மயக்கும் உணவின் உறக்கம்
உணர்வுகள் புத்தெழ வேண்டும் அன்றோ!

மனமது களைபுற மகிழ்வது விழிப்புற
உடலது உற்சாகம் பெற்றிட
வேண்டும் உறக்கும் உடலுக்கென்றும்
மீண்டும் எழவே தூண்டும் ஆரோக்கியம்

விழிப்பதும் சிறப்பதும் உணர்வின் உந்தல்
களிப்பதும் கணிப்பதும் காலத்தின் பந்தல்
தொழிற்படும் முயற்சிகள் தூணாக நிமிர
தொடரட்டும் வெற்றிகள் துணிவின் துணையாய்

உறக்கம் வந்திட உணர்வுகள் துளிர்க்க
கலக்கம் அகன்று கால விடியல்முன்
மயக்கம் இன்றி மானிட இயக்கம்
துலக்கமாய் மிளிரும் வேண்டும் உறக்கம்

நகுலா சிவநாதன் 1855

Author: Nada Mohan