மூக்குத்தி..

வியாழன் கவி-2371

மூக்குத்தி..!!

எடுப்பான மூக்கின் மேல்
துடுக்காய் அமர்ந்த மின்னி
தடுப்பாள் நாவூறு தன்னை
நெடு நாள் உறவைச் சொல்லி..

அடுக்கிய கல்லுக் குவியல்
அழகாய் முத்தும் சிரிக்கும்
வைரத்தில் பதிக்க நினைக்கும்
வசதி இருப்பின் கனவு பலிக்கும்..

ஆச்சி கால அழகியல் நீளும்
பேர்த்தி வாழ்வில் உரசி வெல்லும்
அணிகளில் ஒன்றாய் உறவு கொஞ்சும்
அடடா இப்போ இதற்கு ஏது பஞ்சம்..
சிவதர்சனி இரா
13/8/2026

Author: Nada Mohan