அனல் வெப்பம்……

ரஜனி அன்ரன் (B.A)…அனல் வெப்பம்… 25.06.2026

வாட்டுதுவெப்பம் அனலாக வாடுதுமனசும் தணலாக
வானத்துப் பகலவனும் வஞ்சம் கொண்டானோ?
பூமியின்மீது நெருப்பை அள்ளிவீச
பூமித்தாயும் தவிக்கிறாளே தாகத்தாலே
காற்றோ அனலாய்வீச சூட்டினை ஏற்றுது தேகமும் !

சூரியன் உமிழுது நெருப்புக்கோளம்
சுட்டெரிக்குதே இந்த அவனியும்
மரங்களை வெட்டிய மனிதனின் பாவம்
இன்று வெப்பமாய் மாறிய சாபம்
காற்றிலும்வீசுது அனலின்வீச்சு
வாடிப்போகுதே எம்மூச்சும்
நிழல்தேடி நீர்நிலைகள்நாடி அலையுது மானிடமும் !

அல்ப்ஸ் மலைகளோ பனியுருகிக் கண்ணீர்வடிக்க
ஐரோப்பிய தெருக்களெல்லாம் அனல்காற்றடிக்க
குளிர்தேசத்து வீதிகளெல்லாம் கொதிக்கிறதே
பருத்தி ஆடைகள்கூட பாரமாய்மாற
பனிக்கட்டி தேசமும் வியர்வையில் நீராடுதே !

Author: ரஜனி அன்ரன்