🌿 இயற்கையின் அழகில் 🌿
வியாழன் கவி-2394
நீல வானமும்,
நீலக் கடலும்
கொள்ளை கொள்ளும் மனதை;
நித்தம் பூக்கும் பூவின் வண்ணம்
நினைவில் நின்றிடுமே!

பச்சை போர்த்திய புல்லின் மேனி,
பனிகள் தாங்கிய அழகின் காட்சி,
பார்வைகளை ஈர்க்கும் கோலம் —
என்றும் கவிதை புனையுமே!

விரிந்த வானில் சிதறிக் கிடக்கும்
நட்சத்திரப் பிள்ளைகள்,
இருளின் மேனியில்
ஒளித் தூறலாய்
இரவைக் கட்டிப்போடும்!

பறவைகளின் இசையும்,
பட்டாம்பூச்சியின் சிறகடிப்பும்,
அலைகளின் ஓசையும்,
ஆலய மணியின் கீதமும்
என்றும் மனதைப் பண்படுத்துமே!

சிவதர்சனி ராகவன்
சுவிட்சர்லாந்திலிருந்து
23/9/2026

Author: Nada Mohan