எதுவும் உனக்கு இல்லை

கவிதை 816

என்னுடையது என்னுடையது என்று சொன்னாயே
பிறக்கும்போதும் கொண்டுவரவில்லை
இறக்கும் போதும் கொண்டுசெல்வதுமில்லை

மாளிகை காட்டினாய் கோட்டை காட்டினாய்
கதவின் சாவி ஒருநாள் கைமாறியது
வியர்வையை விதைத்து அறுவடைசெய்த
பணம் இன்னொருவன் எண்ணுகின்றான்
உன் வீட்டில் இன்னொருவன் வாழுக்கின்றான்

உன் நிலம் எங்கே,உன் பொருட்கள் எங்கே உன் சொத்து எங்கே உன் பொக்கிஷம் எங்கே
எனது எனது என்று மார்தட்டிவிட்டு இன்று சுவரில் தூசுதட்டா படமாக காட்சியளிக்கின்றாயே பிறரை அனுபவிக்க விட்டுவிட்டு

ஜெயம்
10-09-2026

Author: Nada Mohan