கமலா ஜெயபாலன்

எச்சம்
மிச்சம் என்பது எச்சம் என்றால்
மச்சம் என்பது மறை ஆகும்
எச்சம் என்பது எமது வாரிசு
தஞ்சம் என்றே தாங்குவோம் யாவும்

சந்ததி காக்கும் சாதனை படைக்கும்
மந்தை யானால் மறக்கும் கடமை
விந்தை யுலகில் விழுதுகள் வேற்றுமை
எந்தையும் தாயும் ஏற்றுய உண்மை

பறவையின் எச்சம் பசளை ஆகும்
எரிந்து முடிய எச்சம் சாம்பல்
வரைந்து முடித்தால் அதுவே சித்திரம்
கறவையின் எச்சம் கிருமிகள் போக்கும்

பெயரெச்சம் வினயெச்சம் பெற்றது இலக்கணம்
பெற்ற பிள்ளை பெயரைக் காக்கும்
உற்ற நண்பன் உயிரைத் தருவான்
என்று நம்பி இருப்போம் உலகில்/

கமலா ஜெயபாலன்

Author: Nada Mohan