முயற்சி தரும் பயிற்சி……

ரஜனி அன்ரன் (B.A)…முயற்சிதரும் பயிற்சி… 20.08.2026

முயற்சியென்பது முதல்படி தான்
பயிற்சியென்பது தொடர்கதை தான்
விடாமுயற்சி தொடர்பயிற்சி – தருமே
வெற்றியெனும் இலக்கின் உச்சம்
விதியென்று நொந்து நொடிந்து போகாது
மதிகொண்டு முயற்சியே பலமென்று வாழ்ந்தால்
அதிபதி ஆகலாம் அகிலத்தை ஆழலாம்
முயற்சியின் முனைப்போடு !

உளி தொடாமல் பாறைகள் எதுவுமே
அழகிய சிலையாய் மாறியதில்லை
சுடும்தணலில் தன்னை எரிக்காமல்
தங்கமும் அழகிய ஆபரணமாய் ஆனதில்லை
தொடர்பயிற்சி செய்திட்டால் முயற்சியை
தொட்டிடும் உயரமும் தொலைதூரமில்லை !

விடாமல் முயன்றிடு தினமும் நீ
தொடர்பயிற்சியையும் செய்திடு நீ
வெற்றிக்கனியை எட்டியே பறித்திடலாம்
தோல்விகள் மாறுமே பாடமாய் !

Author: ரஜனி அன்ரன்