சக்தி சிறினிசங்கர்
இனிது வாழ இன்றே முந்துவோம்
கனவு காணுதல் கடமையாய் எண்ணுவோம்
நனவாய் ஆக்க நாமும் உழைப்போம்
மனத்தினில் ஒன்றியே மகுடம் சூட்டுவோம்
அன்னை மொழியது அகிலம் அறிந்ததே
இன்பம் தருமது இளமையும் தருமே
தருமே வாழ்வும் தத்துவம் சொல்லும்
அருமை மொழியது அடையாளம் அன்றோ
நன்றாய் வாழ நாலடி யார்நூல்
அன்றே வகுத்தனர் ஆன்றோர் தானே
வாழவே வரிகள் வகுத்தார் வள்ளுவர்
தாழவே மாட்டோம் தரணியில் உயர்வோம்
கற்றதன் பயனாய்க் காய்களும் கனிகளாய்
வெற்றியே காண்போம் வெகுமதி உண்டு
மொழியே அடையாளம் மொழிந்திடச் சந்ததி
வழிவழி வளருமே வளர்பிறை நிலவாய் !

Author: Nada Mohan