நேவிஸ் பிலிப்

கவி இல(66). 28/07 22
உலகாளும் நட்பே

பசுமை நிறைந்த நினைவுகளை
பாடிக் கழித்த பொழுதுகளை
நெஞ்சினில் சுரந்த அன்போடு
இளையோடி உறவாடி வளர்த்தெடுத்த நட்பு
தொடர்ந்திடுமே பாரெங்கும்ஆண்டாண்டு காலம்.

தோள் கொடுக்கும் தோழனாய்
தோளில் சாயவோர் தோழியாய்
ஆண் பெண் வயதெல்லை பேதமின்றி
உரிமையோடு பழகும் உன்னத் நட்பு.

பாதைகள் மாறிடினும் பயணங்கள் தொடர்ந்திடினும்
தேசங்கள் உலாவிடினும் பாசங்கள் மறப்பதில்லை
புன்னகையொன்றே போதும் நண்பர்கள் சேர்ந்திடவே
புதைந்து போகும் வரை தொடர்ந்திடுமே நன் நட்பு

என் சோகம் உனில் கொட்டி உன் பாரம் நான் சுமக்க
நம்பிக்கை விதை தூவி வெற்றியெனும்
அறுவடையை அறியச் செய்யும் நட்பு
வீழ்ந்தாலும் கை கொடுக்கும் நட்பு
நம் நட்பு உலகாளும் நட்பு

Nada Mohan
Author: Nada Mohan

    சிவாஜினி சிறிதரன் சந்த கவி இலக்கம் 224 "பெண்ணே" அன்புக்கு அதிபதி பண்புக்கு இலக்கணம் பாசத்தில் வரும் நேசம் பற்றுணர் வில் ஈகம்! என் நெஞ்சில்...

    Continue reading