வியாழன் கவி 1934…

காற்றின் வழி மொழியாகி
வாழ்வு தந்தாய்…!

மூச்சுக் காற்றில்
உயிர்த்த குரற் பூவாகி
பல்லோரும் செவி ஏற்கப்
பக்குவமாய் ஆளாக்கினாய்
இனிதெனக் குரலிடை
இழையோடி நீ சேர்ந்தாய்
இணையத்தின் துணையோடு
எனை ஆளாக்கினாய்…!

மொழியென ஊற்றாக்கி
மொழிந்திடும் பேறாகினாய்
வழித்தடம் மாறாமல்
வழிகாட்டி எனைத்தாங்கி
உழிகொண்டு செதுக்கினாய்
உரிமையோடு சுவை கூட்டினாய்
காற்றலை செவி உட்புகுந்து
தோற்றலை மாற்றி வெற்றியே
என் வாழ்வாக்கினாய்…!
சிவதர்சனி இராகவன்
15/2/2024

Author: Nada Mohan