மதிமகன்

சந்தம் சிந்தும் சந்திப்பு
வாரம்:259
02/04/2024 செவ்வாய்
ஊக்கம்
————
ஊக்கம் உயர்வு தரும்- ஆதலால்
ஊக்கம் உயிரென நோக்கு!
காக்கும் கடவுளும் காப்பாற்றார்-உன்
ஊக்கம் தவறின் எப்போதும்!

இன்று, நாளையென நீள-ஊக்கம்
நின்றே போய்விடும் நினை!
குன்றை, மலையாய் எண்ணா ஊக்கம்,
நன்றே நகர்ந்திடும் அறி!

ஊக்கமிலா நோக்கம்-பெரிதெனினும்,
தேக்க நிலைக்கே இட்டுச் செல்லும்!
ஆக்கம் தந்திடுமே வாழ்வில்-ஊக்கம்
நோக்கத்தையும் நிறைவு செய்யும்!

செல்லும் பாதை நீண்டிடினும்-ஊக்கம்
வெல்லும், உன்வாழ்வும் சிறக்கும்!
அல்லும் பகலும் உழைத்தாலும்-ஊக்கம்
இல்லா நோக்கம் பிசுபிசுக்கும்!

உலகில் இலக்கு உண்டேனும்- ஊக்கம்
விலகில் பிழைத்திடும் இலக்கு!
இலகில் காத்திருந்த கிளியாகி-ஊக்கம்
விலகில், விளைந்திடும் விபரீதம்!
நன்றி
மதிமகன்

Author: Nada Mohan