மனோகரி ஜெகதாஸ்வரன்

ஆற்றல்

காரியத் திறனே ஆற்றல்
காசினியில் எவர்குமுண்டே ஏதோவொரு ஆற்றல்
பாரிய எழுச்சியும் பாதாள வீழ்ச்சியும் ஆற்றலாலே
காரியத்திறன் ஏற்ற
கரும வகையாலே

நேரிய வழிச்செல்வார் ஆற்றல்
நெய்திடுமே நிலத்துக்கு ஏற்றம்
கூரிய ஆயுதமேவுவார் ஏவுதிறன்
செய்திடுமே குத்திக் குதறல்

பயிற்சி பரம்பரை வழியே
பற்றிடுமே ஆற்றல்
பருவ மாற்றமும்
காட்டுமதில் எடுப்பு
முயற்சி முடங்கின்
முதுகிடுமே ஆற்றல் முறுக்கு கெட்டபின்
மூதேவியே அண்மை

சினந்து சீறிடச்
சிதறிடும் ஆற்றல்
மனத்தை நிறுத்திடப் புகுந்திடும் ஆற்றல்

என்னால் முடியும் என்றே எண்ணிட
தன்னால் உள்ளேறும் தாவித் திறனுமே

மனோகரி ஜெகதீஸ்வரன்

Author: Nada Mohan