ராணி சம்பந்தர்

முதன் முதலாக முயற்சி
பதிலுக்குப்பதில் பயிற்சி
எதிலும் உயர்ச்சி பெறப்
போட்டி உயிரானந்தமே

ஐந்தோ அறியாப் பருவம்
பதினைந்து முதல் முப்பது
புரிந்த பருவமோ மகிழ்ச்சி
கூட்டிய வீரானந்தமே

பனை ஓலை கிழித்த ஈர்க்கில்
அனைவரும் கூடை பின்னிட
நானோ மிக மிக அதிகமாகச்
செய்ததில் முதல் ஆனந்தமே

அரசாங்க அதிபர் முகமதிலே
புன்னகை பூக்க எனைத்
தூக்கி முத்தமிட்டுப் படம்
எடுத்தது சீரானந்தமே

முதற்பரிசாகப் புத்தகப்பை,
கொப்பி ,பென்சில் என்பன
முதன் முதலாகப் பெற்றது
இன்றும் பேரானந்தமே .

Author: