வியாழன் கவி 1870!

தியாகமே தீர்ப்பானதா…!

நியாயமானதோர் கோரிக்கை
முன்வைத்தே சென்ற
நிறை மதி மாந்தரில் ஒருவன்
பிறையெனத் தேய்ந்தான்
பன்னிரு நாட்கள் பசிதனைப்
புறந்தள்ளி இறுமாந்திருக்க
வேடிக்கை மட்டுமே பார்த்த
உலகு இன்றும் அப்படியே…!

ஆயுதம் ஏந்தி ஆடிய களங்கள்
அந்நிய ஆதிக்கத்தை அழிக்க
அத்தனையும் வாங்கிய உயிர்ப்
பலிகள் எண்ணிட முடியா
ஊரெழு மண்பிறந்து உயரிய
கற்கை நெறி தேர்ந்து மெல்ல
தேசத்துக்கே ஈகைப் பேரொளி
சிந்திய பார்த் தீபனின் தியாகமே
தீர்ப்பானதா? தீராத தாகமானதா?..
சிவதர்சனி இராகவன்
20/9/2023

Author: Nada Mohan