ரஜனி அன்ரன்( B.A)..முயற்சியே பலம்……. 21.05.26

முயற்சியும் முனைப்பும் வெற்றியின் திறவுகோல்
முயன்றால் எதுவும் முடியுமெனத் திடம்கொண்டு
இலக்கினை நோக்கி நகர்ந்தால் வெற்றி நிட்சயம்
சாமான்யர்களும் சாதனையாளராகலாம்
சரித்திரம் படைக்கலாம் முனைப்போடு செயற்பட்டால் !

முயற்சியென்பது வித்து முனைப்பென்பது சத்து
வித்தும்சத்தும் பலமானால் விருட்சமாகுமே வாழ்வு
விரைவாய் கிடைக்குமே வெற்றிக்கனியும்
வெறும் ஆசைமட்டும் போதாது
முனைப்பு திடமானால் முயற்சியே பலம் !

நடக்கும் கால்களோ முயற்சி
இலக்கினை நோக்கிடும் கண்களோ முனைப்பு
முடியாதென்பது சோம்பலின்வேதம்
முடியுமென்பது வெற்றியின்கீதம்
அயரா முயற்சியும் தளரா முனைப்பும்
வெற்றியின் தாரகமந்திரம்
பற்றியே தொடர்வோம் முனைப்போடு
முயற்சியே பலம் முனைப்பே திடம் !

Author: ரஜனி அன்ரன்