நேவிஸ் பிலிப்

சிந்தையில் சிறு மாற்றம்
வாழ்ககையின் பெருமாற்றம்
ஆயிரம் மாற்றங்கள் வந்தாலும்
மாறாமல் வரும் மாற்றம் ஏமாற்றம்

ஆற்றல் என்பதும் காலத்தால்
அடிக்கடி மாறும் கோலத்தால்
நடையுடை பாவனை மாற்றம்
நாளும் மாறும் தோற்றம்

உருவங்கள் மாறலாம்
மாறாத உள்ளம் வேண்டும்
பருவங்கள் மாறலாம்
குறையாத பண்பு வேண்டும்

ஆட்சி மாற்றம் வந்தாலும்
நீதி தடுமாற்றம் கண்டால்
உண்மை மாற்றம்
எங்கே காண்போம்

மாற்றம் ஒன்றே நிலையாகும்
எம்மை நாமே மாற்றி விட்டால்
நாம் எடுக்கும் முடிவொன்றே
நிலையான மாற்றம் தந்து விடும்

Author: Nada Mohan