ராணி சம்பந்தர்

முனகிய மோதல் மொழியில்
தனகிய கைகள் மேசையிலே
ஓங்கி அடிக்க கை வலித்தது

அனுங்கி வாசித்த ஆங்கிலப்
பாடம் முடிய மேசையில் ஓர்
குட்டித் தூக்கம் குறட்டையிட

நறுக்கென்ற நாலு வார்த்தை
சினுங்கிய நாடகத்தில் வாத்தி
உரத்து முழங்கியே ஒலித்தது

உன்னை நான் விரும்புகிறேன்
என்னை நீ காதலி என்னைப்
பார்த்து மீசையை முறுக்கியபடி

வெள்ளை உள்ளம் கொள்ளை
கொண்ட சுட்டிப்பெண்ணே நீ
எழுந்து வா நுள்ளிய புன்சிரிப்பு

துள்ளிய சுட்டித்தனம் பள்ளியில்
வாட்டி வதைக்குதே எழுந்து வா
ஆத்திரம் பொங்க மேசையில்
ஒரு அடி அடிக்க சுற்றி இருந்த
மாணவர் ஓடிவர அப்போது தான்
தெரிந்தது கனவான காதல்
இதுவென்று .

Author: