சக்தி சக்திதாசன்

நீலவான முன்றலிலே
முழுநிலவின் வெளிச்சத்தில்
மின்னுகின்ற தோரணங்கள்
கண்சிமிட்டிக் கதை கூறும்

மூடுகின்ற விழிகளுக்குள்
முழுவர்ணக் கனவுகளாய்
முப்பரிணாம காட்சிகளாய்
முடிச்சவிழ்க்கும் நினைவுகள்
சுட்டெரிக்கும் கதிர்களோடு
சூரியனின் சுற்றுப்பயணம்

விட்டகழும் பனிப்புகார்கள்
விரைந்தோடும் காலைகள்
புதியதோர் விடியலிது
புதியதொரு பயணமிது

பிறக்குமொரு புத்துணர்ச்சி
புதுமுயற்சி புதுத்துணிவு
எம்விடியல் எம்கையில்
எதுக்கிங்கே ஏக்கங்கள் ?

விழுவதெல்லாம் எழுவதற்கே
விளைந்ததெல்லாம் அனுபவமே !

விதைத்தவைகள் நன்மையெனில்
அறுப்பதுமே நன்மைகள்தான்
கதைகளுக்கு முடிவுண்டு
காலத்திற்கோ எல்லையில்லை
சக்தி சக்திதாசன்

Nada Mohan
Author: Nada Mohan

    வசந்தா ஜெகதீசன் பூமி.... சுற்றிச் சுழலும் சுவாசமே சுதந்திர தேசம் ஞாலமே பற்றிப் படரும் வாழ்க்கையில் பயணம் செய்யும் படகிது தத்தி...

    Continue reading

    சிவாஜினி சிறிதரன் சந்த கவி இலக்கம்_208 "பூமி" சுற்றும் பூமி சுழலும் பூமி பூ கோளம் யார் போட்ட கோலம்! அம்மா என்னை சுமந்தாள் கண்ணியமாய் கருணை...

    Continue reading