“ திசைகாட்டிகள் “….கவி….ரஜனி அன்ரன் (B.A) 03.10.2024

அறிவுக்கடலின் கருவூலங்கள்
அர்ப்பணிப்பின் ஆணிவேர்கள்
அறநெறி காட்டிய சீலர்கள்
தடை நீக்கி வழிகாட்டிய ஆசான்கள்
தகமையோடு நாம் வாழ
வாழ்க்கைப் பயணத்தின் திசைகாட்டிகள்
அவர்கள் இல்லையென்றால் நாம் யாரு !

அறிவொளி வீசிய அற்புத தீபங்கள்
அறிவுக்கடலின் ஒளித் தூண்டல்கள்
அறிவுரைகளால் எமை மேம்படுத்தி
அருள்தரும் அறிவின் நதிகள் ஆசான்கள்
அத்தனை துறையாளர்களையும் செதுக்கும் சிற்பிகள்
பொறுமையுடன் வழிகாட்டி
வாழ்வின் வெற்றிக்கு ஒளியூட்டிய
வாழ்வின் திசைகாட்டிகள் ஆசான்களே !

சவால்களை வெற்றி கொள்ள
சந்தேகங்களைத் தீர்த்து வைத்து
வலிமையைத் தந்து வல்லமையூட்டி
அருவியாய் ஓடிடக் கருவியானவரே
விசையாக நாம் செயற்பட
திசைகாட்டியான ஆசான்களே
அசை போட்டுப் பார்க்கிறேன் உங்கள் பணிக்கு நன்றி !

Author: Nada Mohan