திசைகாட்டி

🙏அனைவருக்கும் வணக்கம்🙏
வியாழன் கவிதை
ஜெபா ஸ்ரீதெய்வீகன் -கனடா
கவி இலக்கம்-37

10-10-2024

திசைகாட்டி

திசைகாட்டியாய்
தின வழிகாட்டியாய்
திறமை புகட்டியவரே
உளியால் கல் செதுக்கி
உருவம் கொடுப்பது சிற்பி
சொல்லால் எமை
செதுக்கி வெற்றியாளன்
ஆக்கிய நல்ஆசானே!

அறியாமை இருளகற்றி
அறிவொளி ஏற்றி
ஓயாது ஓடோடி
ஊருக்குப் பயன்
விளைக்கும்
பேராறு நீங்களல்லோ
உங்கள் பெருமைக்கு
நிகருண்டோ!

மண்ணில் அ தொடங்கி
தாம் வைக்க
விண்வெளி நாம்
சென்றாலும்
மனமுருகி பெருமிதம்
கொண்டவரே சேவைக்கு ஈடேது
தடம் புரளும் எங்களுக்கு தரமான
திசைகாட்டியும் நீங்களே!

நன்றி வணக்கம்
ஜெபா ஸ்ரீதெய்வீகன்.

Author: Nada Mohan