ராணி சம்பந்தர்

தேசம் முழுதும் பழுதாக
வேஷம் காட்டி முழுதாகக்
கோஷம் போடும் நாசதாரி

வல்லரசு எனும் பெயரிலே
கொல்லரசாய் பொல்லாத
வான் தாக்கில் அரக்கதாரி

நாளும் பொழுதும் நில்லாது
தொடரும் விமானக் குண்டில்
படரும் நச்சு வாயு சிதறல்கள்

அணுகுண்டுத் தயாரிப்பு எனக்
குட்டிக் குட்டித் தலையை உருட்டி
கண்ட கண்ட கண்ட இடங்களில்
வெடிக்கும் குண்டு வீச்சுகளில்

பிறக்கும் அங்கவீனக் குழந்தைகள்
மரண ஓலங்களும் சாட்சியாகிடவே
நோயற்ற வாழ்வே குறைவற்ற –
செல்வம், மாசற்ற உலகே நோயற்ற
வாழ்வு ஆகிடத் தொழுதிடுவோமே .

Author: