முயற்சி தரும் பயிற்சி

நகுலா சிவநாதன்
முயற்சி தரும் பயிற்சி

உழைப்பு எனும் ஆணிவேரை
உறுதியாக்கு
பிழைப்பு உனக்குள் வரமாகும்

சிறு சிறு முயற்சியால்
சிகரத்தை தொட உழை
நம்பிக்கை எனும் விதையால்
நாளை உயர்ந்திடு

ஒருபடி முன்னே வைத்தால்
ஓராயிரம் வழி திறக்கும்
ஒருசிறு முயற்சியும்
ஒளிவிளக்காகும் ஒருநாள்

பட்ட அனுபவமே
உனக்குப் பயிற்சியாகும்
பட்டறிவும் உனக்கு
பல ஆளுமை தந்திடும்

முயற்சியை என்றும்
பயிற்சியாக்கு
முனைப்போடு வாழ
கற்றுக்கொள்வாய்

நகுலா சிவநாதன்

Author: Nada Mohan