வெறும் மேடை நாடகங்கள்

சேவை ஒன்றே நோக்கம் என்பார்
பதவிக்கு வந்ததும் சொன்னதை மறப்பார்
வாக்கு சேர்த்து ஆட்சியை பிடித்தபின்
வாசல் தேடும் மக்களை மதியார்

பொழிந்த வாக்குறுதி மழையும் எங்கே
மேடையில் நிகழ்ந்ததெல்லாம் நாடகமாய் இங்கே
மெய்யின் உடை அணிந்த பொய்கள்
மக்களின் நம்பிக்கையில் அவரது வணிகம்

விழித்தெழு மக்களே சிந்தித்தே தேர்ந்தெடுப்பீர்
பேச்சை அல்ல செயலையே நம்புவீர்
போலி அரசியலை ஒழிக்கும் நாளிலே
புதிய விடியல் தோன்றும் நாட்டிலே

நேர்மை விதைக்காமல் நீதி வளராது
ஏமாற்றும் அரசியலில் நல்லாட்சி மலராது

ஜெயம்
22-07-2026

Author: Nada Mohan