ராணி சம்பந்தர்

மூதாதையரில் முழங்கியது
முழங்கியவரில் புழுங்கியது
புழுங்கியவரில் பூ பூத்துக்
குலுங்கிய மொழியே தமிழ்

பெற்றோர் தினம் பேசியது
உற்றார் உறவினர் பூசித்தது
நண்பர் ,காதலர் நேசித்தது
உதிர உறவில் யாசித்தது

அண்ணா ,அக்கா , தம்பி ,
தங்கை , மாமா ,அத்தை ,
பெரியப்பா ,பெரியம்மா
சித்தப்பா , சின்னம்மா
எந்த மொழியிலுமிலாது
பேச ருசித்தது

கதை பேசிக் காவியம் பாடும்
பதைபதைக்க கருத்தும் கூடும்
இயல் ,இசை ,நாடகம் ஆடும்
சங்க இலக்கியமே தேடிடும்
வாணிகமே இனிமை நாடும்

மழலையில் வாய் குவித்திட
உள்ளம் பூரிக்கக் குறும்பும் ,
குதூகலமும் துள்ளித்துள்ளிக்
குதித்து விளையாடும் கனிவு
மொழியே தமிழ் தமிழ் .

Author: