மலரட்டுமே சித்திரைப் புத்தாண்டு

ராணி சம்பந்தர்

சங்கராந்தி நேரத்தில்
தங்கி பொங்கி வரும்
சித்திரைப் புத்தாண்டே
நீ வருக வருக தருகவே
நல்லொளி தருகவே

பராபவ ஆண்டே நீயோ
பாரபட்சம் காட்டாமலே
வருடம் பூராவும் அன்பு ,
கனிவு ,மகிழ்வு ,பண்பு
வளரப் பொங்கிடுவாய்

சோதனை கடந்தகாலம்
நிகழ்காலமாவது நீண்ட
சாதனை படைக்குமா ?
வேதனையே என்றுமே
தொடர்கதையா ?

போதனைகள் வெற்றியிட
மனித நேயம் மலர்ந்திட
கடமை ,கண்ணியம் ,
நேர்மை ,பொறுமை
கட்டுப்பாடு நிறைந்திட

துன்பம் குறைந்திடவே
வல்லரசுகளின் ஆணவ
அரக்கத்தனம் அழிந்திட
ஒற்றுமை ஓங்கி வளர
சமாதானம் ஒலிக்கட்டும்
இப்புத்தாண்டிலாவது .

Author: