ரஜனி அன்ரன்( B.A) ….மாறியதே வாழ்க்கை… 16.07.2026

வாழ்க்கை என்பது பயணம்
வாழ்க்கையென்பது இறைவன் தந்தவரம்
மானுடத்தின் மாறாவிதியே மாற்றம்
மாறியதே வாழ்வு இதுபுதுவிதி
மாற்றியதே நவீனயுகத்தின் தொழில்நுட்பம் !

நேற்று இருந்தநிலை இன்றில்லை
இன்று இருக்கும்நிலை நாளையில்லை
இயற்கையின் மடியினில் அன்றையவாழ்வு
இயந்திரப் பொறிக்குள் இன்றையவாழ்வு
அதிகாலைப் பொழுதினில் சேவலும்கூவ
அரக்கப்பரக்க எழுந்து அன்புறவுகளுடன் கூடிக்குலாவி
கலப்படமில்லா தானிய உணவுகளைஉண்டு
ஆனந்தமாய் இருந்தது அன்றையவாழ்வு !

அடுக்குமாடிக் குடியிருப்பில் சிறைக்குள்வாழ்வு இன்று
அலாரச் சத்தத்தில் விழிக்குது காலை
அவசர ஓட்டத்தில் கழியுதுவேலை
நெகிழிப்பைகளில் அடைத்தஉணவும்
தொடுதிரைபேசியில் மூழ்கியவிழியும்
தொலைத்தே விட்டது இயற்கைவாழ்வை
மாறியதேவாழ்வு மாற்றியதே தொழில்நுட்பம் !

Author: ரஜனி அன்ரன்