மாற்றம் ஒன்றே

இரா.விஜயகௌரி
மாற்றம் ஒன்றே மாறாதது
மகிழ்வுடன் ஏற்றலும்
எதிர்வினை ஆற்றலும்
வினைத்திறன் விளைச்சலாய்
மடை திறந்திட மொழிதலும்
காலச்சக்கர சுழற்சியின் தொடுப்பில்
ஆற்றலை அறிவினை
சீர்பட செப்பனிட்டே கொடுத்தலும்
வெற்றியின் மந்திரம்
விளை பயிரதன் தந்திரம்

வீழ்ந்தவன் எழுந்தால் -அவன்
வென்றிட உழைப்பான்
தடைகளைத் தகர்த்து
தனித்துவ உழைப்பினில்
சாதனைப்படையலை நாளும்
விருந்தெனக் கொடுப்பான்
உலகினை உணர்ந்தே
உயர்ந்திட தொடர்வான்

மாற்றம் ஒன்றே- மாறா நிலையினில்
மகிழ்வொடு ஏற்றலும்
முனைப்பொடு இழைதலிம்
வென்றவர் சுவடுகள் நிதம்
உரைத்தெழும் பதிவுகள்

Nada Mohan
Author: Nada Mohan

செல்வி நித்தியானந்தன் மாற்றம் மாற்றம் கண்டிட பலரது இணைப்பு மாறுமோ வேண்டிட சிலரது பிணைப்பு காட்டிடும் ஆர்வமும் கவிதையின் முனைப்பு கண்ணியம் காட்டியே காவிடும்...

Continue reading